വിവാദങ്ങള്‍

Wednesday, February 13, 2008

കൊടി പിടിക്കുന്ന വിവാദങ്ങള്‍

കൊടി പിടിക്കുന്ന വിവാദങ്ങള്‍ എന്നത്‌ മലയാളത്തിലെ ഒരു ശൈലിയാണെങ്കിലും ബ്ലോഗുലകത്തില്‍ ഇതൊരു സത്യമായി മാറിയിരിക്കുന്നു. അക്ഷരജാലകക്കാരന്‍ എം.കെ. ഹരികുമാര്‍ http://www.chintha.com/node/3030, ബ്ലോഗില്‍ http://aksharajaalakam.blogspot.com/കാണിച്ച ജാലവിദ്യകള്‍ക്കുശേഷം (ഗ്രേയ്‌റ്റ്‌ എസ്‌കേപ്പ്‌) കലാകൗമുദിയിലെ തന്റെ സ്ഥിരം കോളത്തില്‍ ബ്ലോഗെഴുത്തുകാരെ മോശമായി ചിത്രീകരിച്ചത്‌ ബ്ലോഗര്‍മാരെ കൊടിപിടിക്കുന്നിടത്തോളം എത്തിച്ചു കാര്യങ്ങള്‍. (കൂട്ടത്തില്‍ പറയട്ടെ മലയാളം ബ്ലോഗുകളെ കുറിച്ച്‌ നല്ല വാര്‍ത്തകള്‍ മറ്റു മാധ്യമങ്ങളില്‍ വന്നുകൊണ്ടിരിക്കുന്നു ( http://vpraise.blogspot.com/) ഈ വിഷയത്തെ അഞ്ചല്‍കാരന്‍ സമീപിച്ചത്‌ നല്ല ഗൗരവത്തോടെ തന്നെയാണ്‌. http://boologaclub.blogspot.com/ അദ്ദേഹത്തിന്റെ ഉദ്യമത്തിന്‌ മുന്നൂറിലധികം പേരുടെ പിന്തുണയുമുണ്ടായി. (എന്റമ്മോ ജീവിതത്തിലാദ്യമായി കാണുകയാ ഒരു മലയാളം ബ്ലോഗിന്‌ ഇത്രയധികം ആളുകള്‍ കമന്റിയ ഒരു പോസ്‌റ്റ്‌ -ഇവനത്രയേ ബൂലോഗ പരിചയമുള്ളു) കൂട്ടത്തില്‍സാക്ഷാല്‍ പരമേശ്വരന്‍ ഒപ്പുശേഖരിക്കാന്‍ മുന്നിട്ടിറങ്ങി ( http://www.petitiononline.com/4kerala/petition.html/ ). നാരങ്ങാനാട്ടുകാരന്‍ പേരക്ക മുഷ്ടി ചുരുട്ടി ( http://ettumpottum.blogspot.com/) കൈപ്പള്ളി കൗമുദി കത്തിച്ചു http://mallu-ungle.blogspot.com/ നക്ഷത്രക്കണ്ണുള്ള നാഞ്ഞൂല്‌ രാഗേഷിന്റെ വക ഹര്‍ത്താലാഹ്വാനം http://www.blogger.com/profile/18046232554149474755 പോരേ പൊടിപൂരം. അവസാനം ഞാനൊരു തമാശ പറഞ്ഞതല്ലെ, കുഞ്ഞുങ്ങളേ എന്നായി ഹരികുമാറിന്റെ വിശദീകരണം. എന്നാല്‍ അദ്ദേഹം വിവാദപരമായ (ബ്ലോഗിലെ ഗറില്ലാ യുദ്ധമുറ - Jan 1, 2008, ബ്ലോഗില്‍ പ്രവാചകന്റെ മര്യാദകേട്‌ - Jan 2, 2008, ബ്ലോഗില്‍ ഇരുട്ടില്‍ കൂവുന്നവര്‍ -Jan 5, 2008 ) എന്നീ പോസ്‌റ്റുകള്‍ തന്ത്രപരമായി നീക്കം ചെയ്‌ത്‌ നല്ല പിള്ളയാവുകയും ചെയ്‌തു. നാളെ ആരേങ്കിലും വന്ന്‌ ചത്തു മലച്ചു കിടക്കുന്ന (അദ്ദേഹത്തിന്റെ തന്നെ അറം പറ്റിയ പ്രയോഗം) അക്ഷരജാലകക്കാരന്റെ വാദമുഖങ്ങള്‍ വായിച്ച്‌, എം.കെ. ഹരികുമാറെന്ന മഹാനായ ഒരു മലയാളി നിരൂപകനെ ബ്ലോഗെഴുത്തുകാരെ വിമര്‍ശുച്ചു എന്നതിന്റെ പേരില്‍ വെട്ടുകിളികളും വെട്ടുപോത്തുകളും ഇരുട്ടില്‍ കൂവുന്നവരും ചേര്‍ന്ന്‌ നെറ്റിലിട്ട്‌ കമന്റി പീഢിപ്പിച്ചു എന്നാവുമോ നിഗമനം.

Sunday, January 13, 2008

റാഷിദയുടെ കവിതകള്‍























ചന്ദ്രികയില്‍ 2006 ജൂണില്‍ വന്ന കവിത










ഭാഷാപോഷിണിയില്‍ 2007 ഡിസംബറില്‍ വന്ന കവിത






ഇതെങ്ങിനെ സംഭവിച്ചു. (അച്ചടിയക്ഷരങ്ങള്‍ക്ക്‌ കാലുടക്കി വഴുതിവീണാലും അതൊന്ന്‌ എടുത്തുനോക്കാത്ത നമ്മുടെ വാദ്ധ്യാന്‍മാര്‍ പറ്റിച്ച പണിയാണോ ഇത്‌ ?)




എന്തായാലും നിര്‍മ്മല.ടി അവരുടെ ബ്ലോഗില്‍ റാഷിദയെ പരിചപ്പെടുത്തിയപ്പോള്‍ ഈയൊരു കവിത ഒഴിവാക്കിയത്‌ നന്നായി.

Saturday, January 12, 2008

"ങെക്കെന്താ കോംക്രസ്സെ ?"

ഈടുത്തു ജ്യോതിബസു പ്രായാധിക്യമൂലം എന്തോ പറഞ്ഞുപോയത്രെ.
കമ്മ്യൂണിസ്‌റ്റ്‌ കളത്തിലിരുന്നു മുതലാളിത്തത്തെ അദ്ദേഹം വാനോളം പുകഴ്‌ത്തിപോലും
നമ്മുടെ പത്രങ്ങളായ പത്രങ്ങളൊക്കെ വളച്ചും പിരിച്ചും ഒടിച്ചുമിതു പരത്തിപ്പറഞ്ഞു.

രസകരമായി തോന്നിയത്‌ കമ്മ്യൂണിസ്‌റ്റുകാര്‌ കമ്മ്യൂണിസത്തെ വിട്ടുകളഞ്ഞാല്‍ കരച്ചില്‍ വരുന്നത്‌ നമ്മുടെ നാട്ടിലെ ബി.ജെ.പിക്കാര്‍ക്കും കോണ്‍ഗ്രസ്സുകാര്‍ക്കുമാണ്‌.
നോക്കണെ കലികാല വിവാദങ്ങള്‍ പോകുന്ന പോക്ക്‌‌.
ഇന്ത്യയില്‍ മുതലാളിമാരെക്കൊണ്ട്‌ വ്യവസായ വല്‍ക്കരണം ആദ്യമായി നേരാം വണ്ണം നടപ്പാക്കിയതിദ്ദേഹമല്ല. പിന്നെന്തിനാണിത്തരമൊരു വിവാദം ?

പറയുന്ന കാര്യങ്ങളിലാവാം വിവാദം. ചെയ്യുന്ന കാര്യങ്ങളില്ലല്ലൊ.

Thursday, January 10, 2008

എം.കെ. ഹരികുമാറിന്റെ 50ലപ്പുറം ചില ഭാവങ്ങള്‍

മലയാളം ബ്ലോഗ്‌ വായനക്കാര്‍ ഹരമുള്ള ചില ഹരികഥകള്‍ കേട്ടാണ്‌ 2008 ലേക്ക്‌ ഉറക്കമുണര്‍ന്നത്‌. നിരൂപകനായ ശ്രീ എം.കെ. ഹരികുമാറിന്റെ അക്ഷരജാലകം എന്ന ബ്ലോഗില്‍ വന്ന ചില പോസ്‌്‌റ്റുകളാണ്‌ വായനക്കാരെ ഹരം കൊള്ളിച്ചതും ഹാലിളക്കിയതും. ഹര ഹരോ ഹര.....
.
ഹരികുമാറിന്റെ 50ന്‌ വെളിയില്‍ പല ഭാവങ്ങള്‍ കണ്ട്‌ ചില വായനക്കാരെങ്കിലും ഒട്ടൊന്നതിശയിച്ചു പോയി, പിന്നെ കൂവലും കോലാഹലവും തന്നെ. ഹരിയുണ്ടോ കുലുങ്ങുന്നു. ഈ കൊക്കെത്ര കുളം കണ്ടതാ..... അങ്ങിനെയായി അദ്ദേഹത്തിന്റെ വാദം.
.
ഇദ്ദേഹത്തെ പുകഴ്‌ത്താനായി ഒരു മണിച്ചിത്രത്താഴ്‌ 2008 ജനുവരി ഒന്നിനു തന്നെ അവതരിച്ചതാണ്‌ ഏറെ വിവാദമായത്‌. ഹരിക്ക്‌ ആരാധന നല്‍കിയ മണിച്ചിത്രത്താഴ്‌ തിരിച്ച്‌ നിന്ന്‌ ഒരു ഹരിഭാവത്തില്‍ നന്ദി പറഞ്ഞത്‌ സ്വന്തം IDയില്‍ തന്നെയായിപ്പോയത്‌ സംഗതിയാകെ ഒരഴകുഴമ്പാക്കിക്കളഞ്ഞു. പിന്നീടാ താഴൊന്നു തുറക്കാനായി വായനക്കാരുടെ ശ്രമം. വായനക്കാരുണ്ടോ അറിയുന്നു ഹരി കല്ലിലും മുള്ളിലും തുണിലും തുരുമ്പിലും ചിലപ്പോള്‍ മണിച്ചിത്രത്താഴിലുമുണ്ടാവാമെന്ന കാര്യം. അധികം ചോദ്യം ചെയ്‌്‌താല്‍ താഴില്‍ നിന്നാവും നരസിംഹാവതാരം അവതരിക്കുക.
.
രസകരമായ ചില പോസ്‌റ്റുകളുടെ ലിങ്കുകള്‍ ഇവിടെ ചേര്‍ക്കണമെന്നുണ്ടായിരുന്നു. ഇപ്പോള്‍ നോക്കിയപ്പോഴല്ലെ സംഭവം. കമന്റ്‌ ഓപ്‌ഷന്‍ തന്നെ അദ്ദേഹം കശക്കിയെറിഞ്ഞുകളഞ്ഞു. നേരത്തെ തന്നെ വായനക്കാരന്‍ ഇരിക്കുന്നിടത്തെ വെളിച്ചം അദ്ദേഹം അണച്ചിരുന്നു.വേണ്ടവര്‍ വല്ലതും വായിച്ചു വിവരം വെച്ചുകൊള്ളുക. അതാവും അദ്ദേഹത്തിന്റെ ന്യായീകരണം.

Wednesday, January 9, 2008

free search engine submission